Albisteak

Arantzazu eta BiscayTIK-en logoa 

Arantzazuko herritarren eskura daude jada ohiko 15 izapide eguneko 24 orduetan eta asteko 7 egunetan. Izapideok Udaletxeko ateak zabaltzen dituzte webgunearen bidez (www.arantzazukoudala.com), aldi berean bideratze telematikoa ahalbidetuz eta herritarren eta administrazioaren arteko harremana estutuz. Arantzazuko biztanleek nahi duten leku eta momentuan egin ahal izango dituzte haien kudeaketak, denbora eta esfortzua aurreztuz eta, ondorioz, haien bizi-kalitatea hobetuz. Izapideak urrutitik egiteko aukera izateaz gain, pertsona bakoitzak bere izapideen egoera jakin ahal izango du edozein momentutan, izapideen historia ikusi ahal izango du eta, lehendik egindako ziurtagiri bat berriro behar izatekotan, agiria inprimatzeko aukera emango zaio.

Hemendik aurrera honako izapideak egin ahal izango dira: Eraikuntza berriko eraikinen lehen erabilerako lizentzia, Distantzia ziurtagiriak, Hirigintza gaietako informazioa, Erroldan alta, Bizileku aldaketa, Atzerritarren errolda berriztatzea, Errolda-agiria, Errolda ziurtagiriak, Ziurtagiri bereziak, Erroldan baja emateko eskaera, Eskari-orri orokorraren eskaera, Dokumentuak ematea, Kexak, iradokizunak eta eskerrak, eta Hitzorduak. Gainera, laster 100 izapide baino gehiago on-line egin ahal izango dira, Udaletan egiten diren izapideen % 99, hain zuzen ere.

Izan ere, BiscayTIK proiektua Bizkaiko Foru Aldundiaren apustu handia da eta teknologia berrien bidez herritarren eta administrazioaren arteko tartea txikitzea du helburu. Hori lortzeko, Arantzazuk aurrerapauso handia eman du jada Udaletxeko aplikazioak eguneratuz.

Erabiltzaileen Arretarako Zentroa (EAZ)
Telefonoa: 900 840 250
E-posta: info@biscaytik.eu