Prozedura honen bidez interesdunak Kultura/Kirol Sailari eskatuko dio Udalak eskaintzen duen zerbitzu batean alta emateko.

Eskabideko datuak egiaztatu ondoren, interesdunak dagozkion tasak ordainduko ditu eta aukeratutako zerbitzuan edo jardueran alta emango zaio.

Izapide honen bidez Landa-lurreko Ondasunen gaineko Zergari dagokion katastroko dokumentuak igor daitezke.

Eskaera jaso ondoren, eta zuzena bada, edo zuzena izan ez arren zuzendua izan bada, interesdunak tasak ordainduko ditu eta katastroko agiria edo fitxa teknikoa igorriko zaio.

Fitxa teknikoak honako datu hauek izango ditu:

• Kokapenari eta identifikazioari dagozkion datuak
• Lurraren datu fisiko eta ekonomikoak
• Eraikuntzaren datu fisiko eta ekonomikoak
• Erabilera edo xedea
• Balio fiskalak
• Datu juridikoak
• Krokis kotatua

Izapide honen bidez interesdunak dagokion Udaletxearen Hirigintza Sailari landa lursail taldekatze edo agregazio lizentzia emakida eskatuko dio.

Eskaera jaso denean, eta zuzendua izan denean behar izanez gero, espedientearen instrukzioari ekingo zaio udal txosten teknikoa igorriz, ebazpen proposamen gisa. Txosten honen arabera ebazpen bat igorriko da eta interesdunari jakinaraziko zaio.

Prozedura honen bidez interesdunak lurrak mugitzeko baimena eskatuko du.

Eskabidea eta dagokion dokumentazioa aurkeztu ondoren prozedura hasi egingo da. Eskaera onartzen bada, interesdunak lizentziari dagozkion tasak ordaindu beharko ditu.

Baimena ematean, sail eskudunak Eraikuntza, Instalazio eta Obren gaineko Zerga kitatuko du eta hori kobratzeko kudeaketak egingo ditu aplikatu beharreko zerga-araudian ezarritakoaren arabera.

Izapide honen bidez interesunak lurraren hirigintza-zatiketarako lizentzia eskatuko dio Udaleko Hirigintza Sailari.

Eskabidea eta dagokion dokumentazioa aurkeztu ondoren prozedura hasi egingo da. Eskaera onartzen bada, interesdunak lizentziari dagozkion tasak ordaindu beharko ditu.

Izapide honen bidez Hiri-lurren Balio-Gehikuntzaren gaineko Zergaren autolikidazioa egiteko prozedura has daiteke.

Prozedura interesdunaren nahitaezko zergadunaren eskaeraren ondorioz hasiko da autolikidazioaren bidez. Autolikidazioa jaso ondoren, eta hori zuzena bada eta osorik badago, nahitaezko zergadunak behin-behineko ondoriozko kuota ordainduko du. Gero ondoriozko kuota zuzena dela egiaztatuko da. Kuotaren zenbatekoa zuzena ez izatekotan, behin betiko likidazioa igorriko da eta bertan interesdunari itzuli beharreko edo interesdunak ordaindu beharreko zenbatekoa adieraziko da.

Izapide honen bidez Lurren Balio-Gehikuntzaren gaineko Zergari dagozkion salbuespen eta hobariak eskatu ahal izango dira. Prozedura hasteko interesdunak eskaera egin beharko du eta eskabidearekin batera salbuespena eskatzeko arrazoia azaltzen duten agiriak aurkeztuko ditu.

Zerga arautzen duen foru arauak bi salbuespen mota zehazten ditu:

1. Ondasunaren transmisioa eragiten duten ekintzen izaera kontuan hartzen duena.
2. Zerga ordaintzeko obligazioa duen pertsonaren zerga-ezaugarriak kontuan hartzen dituena.

Izapide honen bidez interesdunak Udalari mendi-mozketa lizentziaren emakida eskatuko dio.

Mozketaren zailtasun mailaren arabera, instrukzio-fasean, udal txosten tekniko bat eska liteke.

Izapide hau informazioa emateko besterik ez da. Izapide mota hau bideratzeko aurretik hitzordua eskatu behar da Igorren, Elexalde kalean 49 zebakian edo 94-631.17.17 telefono zenbakira deitu behar da.

Prozedura honen bidez interesdunak obra handiko lizentzia eskatuko dio Hirigintza Sailari.

Hurrengo eraikuntzek izango dute obra handiko izaera:

• Oinplano berriko obrak: Lursail edo orube batean egindako eraikuntzak, lurzorua desberdina denean edo eraikin bat handitzeko altuera edo azalera gehiago ematen zaionean.
• Eraikuntza baten birgaitze obrak: Eraikuntza baten osotasuna edo gehiengo zatia aldatzen denean bere balio arkitektonikoei egokitzeko eta bizigarritasun edo erabilera-baldintzak hobeak izan daitezen.
• Berritze obrak, sail eskudunak bere konplexutasunagatik, entitate teknikoagatik edo garrantzi ekonomikoagatik obra handikotzat jotzen dituenak.
• Eraikuntzen eraispen partziala edo osoa: lizentzia beharko dute berehalako hondamendiaren arriskua dela medio udal agindu batek babesten ez dituenean, edo onartutako eraikuntza-proiektu baten barnean daudenean.